梔子

营业中

休息中

之前经过Zi，见到门面几靓，但系由于冇订位， 当时又满座，一直都冇机会试。今次同朋友聚会，特登book咗位，终于都有机会试下啦Zi入面嘅环境好舒服， 可能系由于楼底高嘅关系。呢间cafe夜晚选择唔多， 佢嘅主食除了面包以外，就只有三款意粉， 我哋叫咗其中两款， 其中一款系黑松露意粉， 好香，好食， 黑松露味够重。 小食有黑松露薯条，芝士条，酿鸡翼， 每一款嘅味道都唔错。除咗嘢食之外，我嘅朋友各自叫咗饮品， 当我同店员讲， 我唔需要饮嘢嘅时候， 店员竟然话店主要求每一位客人需要叫饮品 虽然我唔明白点解我哋叫咗咁多嘢食之后都需要每人一位饮品， 我都再睇多一次餐牌，睇下有啲乜嘢啱饮。 呢间cafe有一样嘢同其他cafe唔同嘅系， 除左有大路嘅咖啡，茶同果汁之外， 仲有酒精饮品， 同埋House Blends。 我最后叫咗一款果昔"Green"， 成分有羽衣甘蓝， 嫩菠菜等， 感觉很新鲜，很健康， 但没有太多味道。最后叫咗两款甜品， 忌廉海绵蛋糕好好食， 忌廉系海盐忌廉， 蛋糕唔太甜，很轻身，Home cake 系朱古力蛋糕， 朱古力味浓，唔太甜。