Cafe Siam (The Plaza ) (已結業)

近日风波不断，心情唔好连出街食饭都少咗。有好耐冇见的朋友仔，约我去兰桂坊放松一下。饮酒实在提唔起兴趣，朋友仔就带我去食一间美味的泰菜。餐厅由外国人处理，装修亦充满泰式风情。坐窗边可以望向正街，旺中带静的气氛，的确能够令人心情轻松起来。。先来一个透心凉的椰青，冰甜又清凉。朋友仔介绍我食猪颈肉沙律，泰式沙律上有多件厚厚的猪颈肉。猪颈肉就厚到好似猪扒咁样，可以用刀叉切开来食。而且全部都系轻轻烧过，有少少焦香，甚见诚意。冬阴公够香够辣够惹味。呢个炒饭好特别，里面有一种香料令我印象难忘。同我喺布吉渡假时食到的炒饭一模一样！甜品环节，尝试左平时比较少食到的南瓜雪糕。好甜好美味，配上椰浆，即变成泰滋味！生活还是充满不如意事，但用美食放空和歇息一下，未尝唔系一件好事。