Brew Dog Coffee Co.

营业中

休息中

拎左部车去新蒲岗修理，系等嘅时间就当然要揾间餐厅舒适嘅坐下，无意间行经发现食呢间小小嘅Café，所以就嚟食个下午茶Hea下啦。Café以白色为主调，地方虽然唔大，但有大块嘅落地玻璃所以采光度十足，令到成个感觉都好Chill好Relax。食物种类都多嘅，不过我自己就唔太饿，所以就叫件蛋糕同咖啡叹下。我依个开心果控就当然要试下佢地嘅 开心果巴斯克芝士蛋糕，蛋糕质地软滑香浓而且湿润柔软，仿如雪糕口感。开心果淡淡嘅甜味与浓郁芝士味道互相平衡，所以入口少甜不腻，忍不住一啖接一啖咁食。咖啡方面我就拣左厚椰奶咖啡那堤，依杯绝对系高水准嘅咖啡，口感非常醇厚丝滑，咖啡同椰奶比例岩岩好，浓郁椰子味道香之余，又唔会盖过咖啡香味，厚而不腻，好啱我嘅口味。