Still

营业中

休息中

今次去咗朋友推介嘅餐厅「STILL」，主打西班牙菜，一入到去就觉得个环境好chill，简约得嚟又有啲艺术感，坐低之后已经觉得好放松。我哋试咗佢哋嘅LUNCH SET，选择都几多，而且每样嘢都好有心思，食完真系觉得好满足！♡南瓜汤♡首先上枱嘅系南瓜汤，个汤好滑好浓郁，南瓜嘅甜味好出，饮落去暖笠笠，仲有少少香料味。😍♡慢炖纽西兰羊膝♡主菜拣咗慢炖纽西兰羊膝，份量真系好大！羊膝炖到好淋，一切就散开，肉质好嫩又多汁，完全冇膻味。配埋个薯蓉，绵滑得嚟又吸晒啲肉汁，真系食到停唔到口，好正。🥰♡吞拿鱼他他♡另一款主菜系吞拿鱼他他，吞拿鱼好新鲜，口感弹牙，调味啱啱好，有几款唔同嘅面包可以简，食落好清新，完全唔会腻，啱晒钟意轻食嘅朋友😋♡黑松露薯条♡小食点咗黑松露薯条，薯条炸得好脆，黑松露嘅香味好浓郁，每一啖都充满松露嘅香气，邪恶得嚟又好满足，真系忍唔住一条接一条👍🏻♡招牌西班牙水果茶♡饮品拣咗招牌西班牙水果茶，茶味清新，带少少水果甜味，饮落好 refreshing，同主菜嘅浓郁感平衡得好好，饮完成个人都舒服晒。💯♡泡沫白咖啡♡最后饮咗杯泡沫白咖啡，咖啡香浓得嚟又顺滑，泡沫好绵密，饮落有少少甘甜。😊呢度