LAVA Bar & Restaurant (已結業)

今晚约咗个朋友喺旺角一齐睇戏，但系又谂唔到喺旺角有咩食，又怕同人迫，想到太子都系一个好好嘅选择。见到LAVA系一间几有格调的酒吧餐厅，全部都系梳化椅，坐得好舒服，灯光有柔和，好适合放工过来chill 仲可以食埋晚饭。煎日本带子，TALEGGIO芝士，黑松露鱼子酱芝士酱甜甜地咁，带子好新鲜，拼埋个鱼子酱仲鲜美！新鲜法国翡翠螺 香蒜沙律酱个壳得好干净，卖相好靓，同平时啲翡翠螺唔同，成碟好似摆设咁靓。而且份量好多，食落啲肉几干净，唔系好多内脏，个香蒜沙律酱几特别。西班牙脆皮猪腩肉 同中式烧肉其实唔大分别，不过皮十分之脆，肉非常之嫩，但系稍嫌肥膏部份多咗少少，不过每旧肉嘅脂肪分布都唔同，我朋友就觉得唔系好肥。可能佢食𠮶几旧唔系咁肥。或者佢比较喜欢食肥肉美国黑安格斯（天然）西冷牛扒配时令蔬菜牛扒用上南瓜汁除咗视觉上十分之赏心夺目，估唔到味道都几出众，小小甜的南瓜汁配上安格斯浓郁的牛味，原来都几好食。蒜香大蚬扁意粉没错！蒜香就是重点，整碟意粉都充满蒜香， 十分之惹味。