影片
更多
2023-12-16
25 浏览
早前嚟 MONTEREY Place 饮茶，已经留意到地下有间装潢别致，充满异国情调嘅餐厅，趁周末有空，即刻约个 friend 过嚟吃顿下午茶。餐厅主打东南亚菜，环境布置得好心思，具亚热带风情，门外设有露天座位，园林风再配上海景，好似去咗度假一样！点咗个二人 High Tea Set ($268)，摆盘非常精美，内有泰式柚子鲜虾沙律、泰式虾饼、素咖喱角、牛油鸡咖喱、串烧鸡肉沙嗲、香茅炸鸡翼、烤印度芝士、芒果糯米饭及烤饼，款款都好吸引。清甜柚子加上鲜虾和酸汁，开胃又美味。虾饼弹牙，炸浆薄身。薯蓉咖喱角外脆内软，香口又唔油腻。牛油鸡以大量香料及印度牛油腌制，鸡肉嫩滑，香浓惹味。鸡串烧啖啖肉，配上沙嗲酱，刺激味蕾。鸡翼大只又有肉地，香茅味恰到好处。印度芝士绵滑细腻，入口奶味好浓郁。烤饼大大块，质感烟韧，入口外酥内软，用嚟点咖喱汁或酱汁食都一样咁正。芒果甜而不腻，糯米饭由紫糯米和白糯米组成，入口软熟带椰香，用嚟做甜品一流！另外仲点咗印尼炒饭 ($128) 同 泰式椰菜苗 ($108)，炒饭用料好丰富，有大虾、鸡肉串、青瓜、米饼和煎蛋，米饭粒粒分明，色香味俱全。椰菜苗嫩绿，炒得好有镬气。随餐附送
早前嚟 MONTEREY Place 饮茶，已经留意到地下有间装潢别致，充满异国情调嘅餐厅，趁周末有空，即刻约个 friend 过嚟吃顿下午茶。
餐厅主打东南亚菜，环境布置得好心思，具亚热带风情，门外设有露天座位，园林风再配上海景，好似去咗度假一样！
点咗个二人 High Tea Set ($268)，摆盘非常精美，内有泰式柚子鲜虾沙律、泰式虾饼、素咖喱角、牛油鸡咖喱、串烧鸡肉沙嗲、香茅炸鸡翼、烤印度芝士、芒果糯米饭及烤饼，款款都好吸引。
清甜柚子加上鲜虾和酸汁，开胃又美味。虾饼弹牙，炸浆薄身。薯蓉咖喱角外脆内软，香口又唔油腻。牛油鸡以大量香料及印度牛油腌制，鸡肉嫩滑，香浓惹味。
鸡串烧啖啖肉，配上沙嗲酱，刺激味蕾。鸡翼大只又有肉地，香茅味恰到好处。印度芝士绵滑细腻，入口奶味好浓郁。
烤饼大大块，质感烟韧，入口外酥内软，用嚟点咖喱汁或酱汁食都一样咁正。芒果甜而不腻，糯米饭由紫糯米和白糯米组成，入口软熟带椰香，用嚟做甜品一流！
另外仲点咗印尼炒饭 ($128) 同 泰式椰菜苗 ($108)，炒饭用料好丰富，有大虾、鸡肉串、青瓜、米饼和煎蛋，米饭粒粒分明，色香味俱全。椰菜苗嫩绿，炒得好有镬气。
随餐附送茶饮或咖啡，我哋点咗柠檬香茅茶同泰式奶茶，再以一客芋头雪糕 ($58) 作结，雪糕真材实料，内有香芋粒粒，加上椰丝作点缀，好睇又好食。
张贴
