影片
更多
2022-04-28
63 浏览
🚴早前已经到访过观塘分店数次，小编尤其喜欢经典甜辣炸鸡。甜甜辣辣咁样半夜食劲过瘾～今次同朋友喺大围出发踩单车到大埔，途经科学园再见Chimac，立即入去补充能量及脂肪～🍗炸鸡有七款口味可以选择，我哋拣咗半半口味炸鸡，即系全只炸鸡但可以拣两种口味。咁样既可以试多种口味，又冇咁容易腻～（$143）- 🌶经典甜辣炸鸡：主要系甜味，辣味基本上缺席，但系唔食得辣嘅朋友仔都应该轻易食得到～虽然酱汁味道同观塘𠮶间都几大分别，但有别有一番风味，偏向甜酸汁酱几惹味，有啲似甜味版本咕噜肉汁酱。鸡件即叫即炸，上枱热辣辣，外皮挂汁但都仲好香脆。鸡肉多汁鲜嫩～- 🍯蜂蜜焦糖炸鸡：入口好大阵牛油蜂蜜香，鸡皮炸得好干身，香脆而毫不油腻！加上有蜂蜜焦糖嘅加乘，咸咸甜甜好过瘾。同样都系即叫即制，鸡肉嫩滑，鸡皮真系好香好脆好好食～🍢鱼糕串（+$20）：其他Foodie嘅鱼糕串波浪形串得劲靓，小编呢一份应该系⋯懒洋洋版本酱油鱼糕串。🫕芝士排骨锅（$318）：读者们都知道小编系肉食动物，见到呢一份排骨锅当然不能放过啦～侍应会于芝士溶化之后，帮忙将中间嘅大大件排剪展开，再平均将芝士裹住排骨。排骨带蕃茄甜味，煮得好软熟，轻轻一咬
🍗炸鸡有七款口味可以选择，我哋拣咗半半口味炸鸡，即系全只炸鸡但可以拣两种口味。咁样既可以试多种口味，又冇咁容易腻～（$143）
- 🌶经典甜辣炸鸡：主要系甜味，辣味基本上缺席，但系唔食得辣嘅朋友仔都应该轻易食得到～虽然酱汁味道同观塘𠮶间都几大分别，但有别有一番风味，偏向甜酸汁酱几惹味，有啲似甜味版本咕噜肉汁酱。鸡件即叫即炸，上枱热辣辣，外皮挂汁但都仲好香脆。鸡肉多汁鲜嫩～
- 🍯蜂蜜焦糖炸鸡：入口好大阵牛油蜂蜜香，鸡皮炸得好干身，香脆而毫不油腻！加上有蜂蜜焦糖嘅加乘，咸咸甜甜好过瘾。同样都系即叫即制，鸡肉嫩滑，鸡皮真系好香好脆好好食～
🍢鱼糕串（+$20）：其他Foodie嘅鱼糕串波浪形串得劲靓，小编呢一份应该系⋯懒洋洋版本酱油鱼糕串。
🫕芝士排骨锅（$318）：读者们都知道小编系肉食动物，见到呢一份排骨锅当然不能放过啦～侍应会于芝士溶化之后，帮忙将中间嘅大大件排剪展开，再平均将芝士裹住排骨。排骨带蕃茄甜味，煮得好软熟，轻轻一咬便离骨。
- 🧀而锅边有数款韩式小食，包括：三件炸鸡腿肉、三件紫菜粉丝卷、三件韩式饺子、紫菜饭、粟米芝士，以及韩式泡菜。原味炸鸡腿肉一样鲜嫩多汁。将紫菜饭拌于芝士锅中，成件事好邪恶但系极滋味！
🥤罐装汽水（$12）：小编同朋友都唔饮酒，所以拣咗汽水。餐厅一共有四款汽水选择，分别系可乐、韩国柠七、忌廉鲜奶，同埋芦荟乐。即系大家平日喺便利店超级市场见到嘅罐装饮品，一模一样。
☺️整体而言：
1. 餐厅座位舒适宽阔，可以安坐享受食物。枱与枱之间保持一定距离，感觉良好。
2. 侍应服务快，细心且有礼！主动协助单车收纳，适当时添水。对于查询都好有耐性咁解答。
3. 小编应为呢间餐厅最好食嘅都系炸鸡，新鲜制作！炸鸡有一定水准。
CHIMAC
电话: 35656068
地址：沙田科技大道西5号白石角香港科学园一期企业广场地下S017号舖
#香港食好西 #科学园 #炸鸡 #韩国菜 #香港 #野生代言人
张贴
