皇室宴會廳

营业中

休息中

今日同女朋友到迪迪尼揾DUFFY影相，经过皇室宴会厅发现原来佢哋今日开始有DINNER BUFFET食, 个BUFFET五点开始到放烟花为止，正当我同女朋友考虑紧试唔试之际，有一位"演艺人员"（好似系咁叫）好热情咁向我哋推介,见价钱都OK，（大人＄198，小朋友＄98,要加一）,又试下啦。大概五点半回到餐厅，原本有一半供快餐用嘅位置已舖上红色嘅台布同一盏电子蜡烛台，BUFFET台亦有一座圣诞老人像摆设，再加上墙角一棵3米（估计有）圣诞树，感觉真系好圣诞，相信设计者都花咗唔少心思! 至于食物方面，虽然冇生蚝，鱼生，但其他食物如沙律（本人推介蟹肉牛油果沙律，YUMMY，听闻系迪迪尼得奖菜色），热食(火鸡同烧火腿有专人切比你食)，甜品(Bread Pudding必食)都好新鲜而且不断供应，以价钱论，喺圣诞节期间用咁嘅价钱食BUFFET，真系好抵! 不过个BUFFET好似系做到一月二号，要试就快喇!!