來佬餐館 (已結業)

经常湾仔返工都经过来佬，继Fusion Crab Dinner之后，又推出X’mas Set，今次推出5道菜，见个menu几岩食，又约下foodie友食下~~第一道菜 鹅肝二重奏之香煎鹅肝toast x 法式鹅肝cream brulee鹅肝toast 煎得几香口，鹅肝都算大件，味道几好，如果热d出菜会更好味！鹅肝cream brulee 入面系鹅肝酱fusion法式炖蛋，味送几新款，个人就比较喜欢传统cream brulee.第二道菜黑松露野菌浓汤配磨菇曲奇，个setting 系好似cappuccino 咁上，先饮泡泡面层带有菇粉味，再饮落去先系黑松露野菌汤，口感丰富，汤浓，推介之选！第三道菜香烤焗海鲜，入面有煎大虾、带子、青口，个人觉得是惊喜的，作为前菜有呢个份量既海鲜，真系几满足，而且新鲜好味，睇得出大厨心思之作，伴菜系茴香、橙肉、椰菜花蓉，系非常高质的开胃菜，推推推！第四道菜慢煮香烤牛柳，牛柳经慢煮烹调煮得好淋，肉味都琐得好好，portion算系相对细份，但味道一流！第五道菜朱古力树头蛋糕，卖相一流，可惜中间海绵蛋糕部份做得偏干，口感一般，只能影相打卡，希望大厨下次可以做好少少。