Chullschick

营业中

休息中

朋友推荐特色秘鲁菜，决定一试。系中环斜坡，差啲错过咗个门口，里面地方唔算好大，但壁画好有特色，适合打卡。叫咗招牌秘鲁烤鸡半只，配菜选咗蕃薯同沙律。个鸡有肉汁，有啲甜味，食得出有其他香料。层皮好入味，连肉一齐好好食。见碟上有啲类似蜜糖既酱汁。配菜好大份，蕃薯有成1.5个，好甜。蔬菜新鲜，酱料搅拌均匀。朋友叫咗猪肉三文治，猪肉香但唔会太肥，芥末酱唔会太辣，配合得啱啱好。薯条都好好食，但真系好多。整体而言真系好好食，份量对得住价钱，不过对一个女仔有啲多，同朋友一齐黎最好。