豪華咖啡茶廳

营业中

休息中

念住怀旧野，水准会好老字号既感觉。入到去环境一般，但食完食物就明点解距做到宜家都咁多人帮衬。一来熟客多，二来食物入味，三来款式简单客人易拣同最常吃果几味。饮品无得跟餐价就有啲可惜，不过好多人都照嗌十几蚊杯野饮。西多士， 望落油，食落都真心油油地，但不腻，边皮唔算脆，就刚好炸过唔㶶唔硬，里面好软熟，都吸左一定油份，总括黎讲十分有七分，胜在入味果度好味。另外，以为系颓粉既鸡扒意粉，我呢啲第一次去既生客就觉得貌相真心一般，但食左之后，鸡扒真心餣左成晚既感觉，入味！外脆内软，意粉淡淡地，但胜在个蒜容汁惹味，简单惹味既午餐，可以再返黎食！简单快捷有水准保证，食得安心既午餐。安心！