FINDS Restaurant & Bar (已搬遷) 新店位置

上星期同D旧同事黎左饮野，星期四晚七点左右，人都唔少，捧场客睇落都几同产。呢度装修都叫唔错，不过座位其实唔系咁舒适，好睇唔好坐。Happy hour时份，所有饮品都系买一送一，一般cocktail正价都要成90元一杯，都咪话唔贵。我就选左一款叫Garbo的，系用苹果茸加姜茸同vodka等调制，味道都唔错。跟住同朋友交换第二round果杯，要左chocolate martini，味道几好，杯边搽左一圈朱古力，入口甜甜地，不过其实几劲酒精架，朋友仔饮左三分一已经wing wing地。由于有人叫肚饿，所以叫左当日薯仔精选同酿蕃茄，前者其实系薯茸而已，不过都整得几滑，有水准；后者上台只得一粒蕃茄，酿左野米同香草，味道系不过不失咁啦，作为送酒小食就真系好唔恰当啰。整体而言，呢度o既cocktail系有D水准，不过以正价论又似乎有少少over-priced，happy hour黎饮番杯都可以o既。侍应生就好唔掂，服务态度好麻麻，又唔得醒目，落单要讲好耐至知我地讲咩。