影片
更多
2015-11-02
4874 浏览
有睇开杜如风D旅游节目应该都会记得佢介绍过一间日本手工啤酒店无错，就系COEDO喇原来唔一定要去日本先可以试到佢已经系香港开左分店架喇D啤酒仲要系坐飞机空运黎香港保证同日本饮到既一样加上仲有得食埋串烧果日小公主好晏先食Lunch到夜晚都仲饱，所以就决定同男友黎试下喇香港店开左系铜锣湾既fashion walk其实呢面都几多野食(提外话:一定一定唔好食果间Eat it!!!伏到冇人有)佢有露天座位不过当日都有d热，所以我地都系坐室内店内以黑色为主，再配上木制家俱，简洁有型坐低之后望下menu除左串烧同啤酒其实都仲有d前菜同主食既然呢到啤酒先系主角，梗系要介绍左佢先(利申:小公主其实对啤酒唔系好大兴趣)COEDO有8款啤酒比你拣Menu上面无详细介绍所以我地都系叫待应讲解比我地知如果你心大心细咩都想试就可以好似杜如风咁点个beer platter，$120有5杯因为有一款想试既唔系个platter set到我地最后都系决定单点(前) COEDO毬花 – Marihana (XS/ $32)(后)COEDO红赤 – Beniaka (XS/ $32)因为15:00-19:00有得免费up s
应该都会记得佢介绍过一间日本手工啤酒店
无错，就系COEDO喇
原来唔一定要去日本先可以试到
佢已经系香港开左分店架喇
D啤酒仲要系坐飞机空运黎香港
保证同日本饮到既一样
加上仲有得食埋串烧
果日小公主好晏先食Lunch
到夜晚都仲饱，所以就决定同男友黎试下喇
香港店开左系铜锣湾既fashion walk其实呢面都几多野食
(提外话:一定一定唔好食果间Eat it!!!伏到冇人有)
佢有露天座位
不过当日都有d热，所以我地都系坐室内
店内以黑色为主，再配上木制家俱，简洁有型
坐低之后望下menu除左串烧同啤酒
其实都仲有d前菜同主食
既然呢到啤酒先系主角，梗系要介绍左佢先(利申:小公主其实对啤酒唔系好大兴趣)
COEDO有8款啤酒比你拣
Menu上面无详细介绍
所以我地都系叫待应讲解比我地知
如果你心大心细咩都想试就可以好似杜如风咁
点个beer platter，$120有5杯
因为有一款想试既唔系个platter set到
我地最后都系决定单点
(前) COEDO毬花 – Marihana (XS/ $32)(后)COEDO红赤 – Beniaka (XS/ $32)
因为15:00-19:00有得免费up size
所以点xs就变左s喇
我系饮毬花，味道比较淡而且有少少花香
个花香味好特别，女仔饮真系几岩
另外男友既红赤系酿造既时候落左蕃薯
饮落口虽然比毬花苦涩，但最后会有D甜甜地既味道
成个感觉有d似caramel (感觉咋，唔系个味道)
Homemade Potato Salad with Anchovies ($65)薯仔沙律入面有d鱼干
个人就觉得唔多夹，有少少怪怪地
可能系因为方便送酒先加入鱼干?
定系日本传统既薯仔沙律都会加呢?
(前左) Yuzu Pepper Flavored Chicken Thighs with Leek ($38)鸡肉够嫩，唔错
但我觉得可以烧得再干身D
个柚子胡椒酱令成个串烧升级
柚子既清新加上胡椒既辛辣
令本来平平无奇既烧鸡肉变得好有特色
(前右) Quail Eggs ($28)
鹌鹑蛋唔错，蛋烧得岩岩好熟
入面既蛋黄好绵好滑
你一路沿条竹签拉只旦出黎
d黄会好似cream咁一路留系竹签上面
代表佢唔系烧到硬哂熟哂，正!
(后) Pork Short Rib with Mango Salsa ($48)
个酱甜甜地好好味
减低左short rib既肥腻，不错!
(左) Chicken Wings ($42)小公主好怕食除左鸡皮，D鸡肉系完全无味既鸡翼
呢到既烧鸡翼调味唔错，唔会出现上述既问题
不过都系果句，可以干身少少
而家唔够干身就会觉得有D油腻
(右) Tomato & Basil Rolled with Pork Short Rib
蕃茄唔够甜同多汁
尖沙咀既YAYAKIYA做得好D
Angus Beef ($48)失望，好难咬得开
再靓既牛肉比你烧到过哂火都唔会好食
Chicken Meatballs with Cartilage & Basil唔错但系有小小咸
好彩有个Basil酱系到，减番d咸味
小公主认为串烧方面仲有进步空间
如果正系为左食串烧，可以直接去第2到
不过如果系约左朋友
想饮杯野，坐下倾下计
又或者钟意饮啤酒既
呢到都系一个唔错既选择
餐厅待应都好有礼貌
对店内既啤酒都好熟悉
相反个经理就唔得喇
话说当日我地企左系门口想话入去食
明明呀经理企左系接待个位
虽然一路听紧电话(应该系有人BOOK位)
但明明见到有人等
完全眼尾都唔望一下
咁小公主唔系话要你Cut左个电话招呼我
不过at least你比个眼神我叫我等等
或者可以示意叫我地揾其他员工
我都企左成3/4分钟佢都无理，佢既服务完全唔得!!
张贴
