Cafe Lavande

营业中

休息中

闲日生意都几好，下午4点左右到达，露天位置客满，饼柜只剩苹果同蓝莓蛋糕。2个人点了一杯cascade，一杯parisienne chocolat同一件苹果蛋作做午茶。cascade用糖水浆做出黎，虽然加上急冻莓莓，但味道有点甜过龙。菜单有巧克力和巴黎巧克力(parisienne chocolat)，分别就系前者用可可粉冲调，后者用溶左既朱古力冲调，爱朱古力既我当然就系点巴黎巧克力啦。呢度咁富欧洲情怀，店名又用法文，自然就要点番一个半个跟法国有关的食物或饮品。可惜，完全饮唔出系用朱古力冲调的热可可啰，同喺屋企用valrhona可可粉加奶冲出黎一样味道。苹果蛋糕做得好松软，好好味。去星巴克饮杯咖啡都要30蚊啦，加块蛋糕又20几蚊(通常都唔多好味既)，不如支持下小店仲好啦。虽然今次点既饮品麻麻地，但蛋糕好味道㖞，可能其他饮品做得好D呢。下次再试。