NINETYs (皇后大道東) (已結業)

一向知道ninetys 咖啡出名，今日慕名而嚟，顺便同朋友食埋dinner.Latte 咖啡可以拣fruity 定 choco blend. 本身自己唔钟意咖啡太酸, 就拣咗choco. 奶嘅种类都可以拣，好似系whole/skim, soy/oat/almond milk等。咖啡嘅拉花好有心思，咖啡味香浓，入口顺滑，仲俾咗啲蓝莓干令到咖啡味道更鲜明。同行朋友点嘅It’s Easy Easy佢系落咗moscatel, lime, milk oolong tea果然系如其名容易入口，青柠嘅酸味同麝香葡萄酒嘅甜味中和得好好，而且饮到淡淡嘅乌龙茶味好特别。Boston lobster pasta颜色鲜艳，摆盘精美，意粉上面洒咗少少食用花瓣，令人食指大动。有半只波士顿龙虾，龙虾肉质实，上面仲有劲多橙色嘅虾膏。意粉沾满左蕃茄酱，味道啱啱好，侧边仲有啲车厘茄，同样系新鲜鲜甜。Crab & burrata cheese pizzaPizza嘅配料好多，口感丰富，除咗主打嘅蟹肉同埋burrata cheese，仲有水牛芝士、车厘茄、芦笋、仲有三文鱼子等等。Pizza系薄饼饼底，焗得好香脆。