Gelare (已結業)

同屋企人行下Mikki，经过Gelare，俾佢地甜品吸引左入去，间店铺细细间，不过都叫坐得几舒服，当时人唔太多，我地4个人食，叫左黑松露野菌大烤菇意大利饭、肉眼扒，蟹肉阔条面，猪肋骨鸡翼拼盘，不少得甜品雪糕窝芙，我钟意饮蘑菇汤，都几大份量，将蘑菇打碎，令到饮时啖啖都有好浓郁的蘑菇。黑松露野菌意大利饭，首先会睇到一大块野菌放在饭上，个饭吸左黑松露的香味，配上多汁的野菌，食落时香味出晒嚟，加上米中心唔太硬身，本人好钟意。蟹肉带子意大利面，有2粒大带子，面量不多，但个汁好滑，加上蟹肉的鲜味，不会觉得好腻口。肉眼扒我地叫左5成熟，但感觉应有7成熟，所以肉质有点硬，不过牛排的size都算大。猪肋骨鸡翼拼盘，鸡翼皮脆肉嫩，而猪肋骨切到细细块方便直接用叉食，之前食其他都要自己切，我自认刀功差，喜欢方便，酱都几惹味，有一点点酸酸的，肉质结实，加上炸到金黄金黄外脆内粉的薯条，完成我地的主食。就算食得饱饱都要试下佢地的甜品，窝夫热辣辣，即时制作，配上又香又绵的雪糕，又热又冻，好味道！