Food Combo (已結業)

星期六不用上班，但其他人都要返工，悭家的我唯有一餐当两餐食啦（早餐拼午餐）。午餐去左vcity 对面新开的西餐厅，卖点系大大份西式定食。叫左个什扒餐，份量果然坚大份，细食的应该食唔晒。有扒-几嫰下、有鸡翼-炸鸡翼炸到皮很脆、烟肉-有两块、有薯蓉-好creamy 、牛油粟米大量,忘记仲有条肠及都几爽的大虾。小食有个炸薯饼其实佢系一块炸南瓜饼，刚炸好，几香口下。有个薯仔汤-creamy有个沙律，合桃碎加提子干，好有口感。仲有最爱的生果杯。吧枱有三款饮品可以任添加，不过我都只系饮左两杯。整体个定食坚大份，周六中午好多人仲未放工，可以系餐厅hea，听住轻快音乐都几正下。