FRITES Belgium on Tap (曦巒) (已搬遷) 新店位置

之前试过Frites嘅招牌青口新鲜肥美，今次encore试下其他口味。我同朋友贪得意拣左喇沙味，食落香茅味突出，加入椰奶更creamy~青口依旧鲜味十足，配上薯条和Sourdough面包，适合同几个朋友分享。薯条炸得黄金香脆，咬落粉腍，蘸点蛋黄酱很好吃！冻蟹饼由蟹肉、牛油果、毛豆、西芹等材料叠成，食嘅时候将所有食材拌匀，再放上面包脆片。蟹肉鲜美但略咸，以柠檬油醋汁调味，整体清新不腻，作为前菜开胃不过。今次留意到有Vegetarian menu，素食汉堡用黑豆做汉堡扒，无论卖相同质感都呃得下人，食落好有饱足感！加上烟熏芝士、灯笼椒、洋葱圈、柠檬蛋黄酱等配料，味道浓郁，十分惹味。沙律材料非常丰富，包括藜麦、野米、红菜头、西兰花、牛油果、粟米等健康食材，配上油醋汁酸酸地好醒胃。甜品叫左Sticky Date Pudding，蛋糕绵密松软带有浓郁椰枣香，加上butterscotch酱同cream一齐食，咸咸甜甜层次分明。原来呢间餐厅已经开业十周年，能够系香港屹立多年当然有其过人之处。