Burgerman (埃華街) (已結業)

好耐冇食过汉堡包，听朋友讲过呢间Burgerman汉堡包评价唔错，就入去试下。小店虽然主打汉堡包，但都有意粉，沙律同小食提供。不过一场来到，当然要先试试小店招牌汉堡包啦！点咗烧菠萝鸡腿汉堡($68)，鸡腿略嫌炸浆唔够薄，但鸡腿好嫩滑，菠萝烧过后甜度更加浓缩，就算同芝士及鸡肉一齐食都几可以平衡腻感，入面仲有蜜糖芥末酱，食落甜甜地，好开胃！个包亦烘得脆口，有水准！小食试下水牛城鸡翼($38/5只)，酱汁香辣惹味，系我最钟意嘅comfort food。