影片
更多
2016-07-26
2797 浏览
工作再忙，饭都喺要食，老友都喺要见，所以，是晚相约好耐无见嘅朋友聚一聚，谈谈近况，讲讲工作。地点、日期、时间由佢定，但日子就一拖再拖，食乜嘢嘛？我倒喺无乜所谓，最紧要喺唔赶客走，又唔太嘈吵嘅餐厅就可以喇。位于佐敦嘅Sense Cafe处于内街，感觉比较清静，小店格局，环境装修简约，一室杏啡色配衬，平实得嚟几舒服。墙上写有一系列嘅新菜式，亦可以话喺餐厅推介嘅特色菜。此外，另备有一份咸点餐牌，如全日早餐、汉堡、意粉、沙律、汤品和小食。当然，朋友讲话餐厅以甜品起家，所以，仲有多款唔同系列嘅甜品供应，如意大利芝士饼、牛乳布丁、梳乎厘、心太软、雪糕焗脆格、法式窝夫、份子创作甜品……等等，不过，有部份已经暂停供应。西班牙红虾刺身沙律 $138因为曾经晌一间西班牙餐厅食过红虾，觉得几唔错，所以，今次再想回味一下，就点咗墙上其中一款新菜「西班牙红虾刺身沙律」，不过，上到枱就不自觉觉得濑嘢，因为将红虾切片再压成一大块薄片，变咗形态，但又算不上份子料理。切一小片放入口，虾味虽然不俗，但有啲湿漉漉嘅感觉，虾应有嘅爽口感又无晒。芝士梳乎厘焗饭配西班牙黑毛猪架 $158梳乎厘+焗饭依个组合颇有新意，是晚所见有4
位于佐敦嘅Sense Cafe处于内街，感觉比较清静，小店格局，环境装修简约，一室杏啡色配衬，平实得嚟几舒服。
墙上写有一系列嘅新菜式，亦可以话喺餐厅推介嘅特色菜。
此外，另备有一份咸点餐牌，如全日早餐、汉堡、意粉、沙律、汤品和小食。
当然，朋友讲话餐厅以甜品起家，所以，仲有多款唔同系列嘅甜品供应，如意大利芝士饼、牛乳布丁、梳乎厘、心太软、雪糕焗脆格、法式窝夫、份子创作甜品……等等，不过，有部份已经暂停供应。
西班牙红虾刺身沙律 $138因为曾经晌一间西班牙餐厅食过红虾，觉得几唔错，所以，今次再想回味一下，就点咗墙上其中一款新菜「西班牙红虾刺身沙律」，不过，上到枱就不自觉觉得濑嘢，因为将红虾切片再压成一大块薄片，变咗形态，但又算不上份子料理。切一小片放入口，虾味虽然不俗，但有啲湿漉漉嘅感觉，虾应有嘅爽口感又无晒。
芝士梳乎厘焗饭配西班牙黑毛猪架 $158梳乎厘+焗饭依个组合颇有新意，是晚所见有4款口味（$138-$298），所以，拣个平价少少嘅西班牙黑毛猪一试。个「梳乎厘塔」有别一般甜品嘅梳乎厘，放耐咗都无塌落嚟，而鎅开啲梳乎厘就见到啲焗饭，不过，我哋点嘅喺松露牛肉酱汁，但嚟咗芦笋蘑菇，同友人都唔介意就由佢照要。个焗饭其实做得唔错，仲加有芝士，饭粒分明甘香，只喺个人觉得变成梳乎厘还梳乎厘，焗饭还焗饭而已；至于件黑毛猪架，肉味确喺浓，又腌得香，亦富肉汁，但有欠松化。
点任何食物（汤及小食除外），所有饮品都有半价优惠，所以，点可以唔点番杯冻饮，尤其依家外面咁鬼热。
焦糖香蕉咖啡 $38友人话佢杯咖啡唔错，而我嘅焦糖香蕉咖啡又如何？卖相挺有心思，将焦糖化嘅香蕉以花瓣形放晌杯面，我就喜欢将啲咖啡跟忌廉搞匀，令到杯冻啡更香滑，而啲蕉再浸浸咖啡先食，既有焦糖脆，又有咖啡香，整体真喺唔错。
席间讲开旅行嘅事，咁啱友人原来稍后时间亦会去，所以，顺便做咗佢行程指导，喺咪好应该请我食番餐呢？然而，今餐未有预期咁理想，变得普通，喺拣错菜式吗？
张贴
