Stacks (已結業)

之前佢新开既时候我已经想试，但好似又要排队而且价钱都有啲贵所以迟迟未食，上网见到佢好似要搬定唔做所以有买一送一优惠梗系要试啦。去到以为会人山人海，点知竟然唔洗排队，店员超好人，我试左玫瑰、烟肉同曲奇味佢都无嫌我贪心！玫瑰有明显既玫瑰味，仲好似有碎花瓣，要挑剔其实佢都有少少artificial, 但要食得出系玫瑰其实都难免有人工既味道。曲奇有碎曲奇，口感丰富又滑又浓郁。烟肉有啲似maple加烟肉碎，唔会怪，系似偏甜既云尼拿。男朋友拣朱古力，都好浓同滑。最后我拣曲奇配曲奇，但其实有啲后悔，我觉得玫瑰会清新啲，虽然曲奇都唔系话好甜，但食到后尾都会漏，希望佢搬前我可以再试！