Cova Pasticceria & Confetteria (已搬遷) 新店位置

今日下午茶想食蛋糕，去咗利园既Cova Pasticceria & Confetteria。呢度系自助形式，有8张4人枱，自己等位同收拾餐具。Pistachio Delight 1lb $468时为下午5点几，现有蛋糕所剩唔多，其他皇牌蛋糕都无特别，惟有拣呢个Pistachio Delight，得1lb。Pistachio Delight清楚见到有5层，由上到下分别系开心果戚风蛋糕，开心果忌廉，开心果戚风蛋糕，mascarpone 芝士忌廉，同底层ladyfingers，最上面再加上开心果忌廉同mascarpone 芝士忌廉，洒上少量开心果碎。Ladyfingers浸咗Cova expresso，咖啡味有少少盖过开心果味，开心果味如果再浓d就更好，戚风蛋糕唔实唔松，层次感欠奉，个人觉得唔难食，不过唔特别好食。呢个价钱唔值。而家Cova既蛋糕真系越黎越无特别。