Grove (始創中心)

营业中

休息中

今晚嚟到太子一间全港各地区都有分店嘅一间出名主打健康同采用新鲜食材制成嘅轻食Cafe，试吓佢嘅晚餐。平时食开佢嘅三文治，估唔到佢嘅晚餐都有好多选择。👍🏻〈All Day Breakfast (Jumbo)〉🍳🥓🍞🥗🥔包括有煎蛋、纽伦堡肠、烟肉、烤蕃茄、烤蘑菇、烤新薯、沙律、烟三文鱼、高纤谷物干果多士，超级丰富，同埋每一样都系新鲜煮成，绝对唔系一早煮定番热比客人。食得出食材新鲜，啱晒追求原形食物嘅人士。〈香煎西班牙猪鞍架配香烤菠萝〉🥩🍍猪鞍系慢煮制成，所以肉质都比较软，份量非常之多，好似块面咁大块，配菜有瓜类、新薯、芦笋，同埋煎过嘅菠萝，不但可以解腻之余仲特别开胃添。〈青瓜青柠梳打〉🥒🍋🍹呢个配搭几特别，味道仲有啲似冇酒精版嘅Mojito，怕甜嘅朋友可以叫少甜，都值得试吓㗎。〈朱古力蛋糕〉🍰估唔到普通嗌一件朱古力蛋糕，都会有伴碟，蛋糕比较软身，中间有一层慕丝，虽然同想像中好似朱古力Brownie唔一样，但系当饭后甜品都系一个唔错嘅选择。