薩莉亞意式餐廳 (大河道)

营业中

休息中

放假同老婆行下aeon，shopping 前食返个lunch先有力行，就决定食萨利亚啦。呢间好宽躺下都，空气流通几下，唔会好局促。点左两份卡邦拿意粉，一份煎鲭鱼，一份肉酱多利亚。先讲意粉，有温泉蛋，半生熟都几juicy,督爆只蛋捞意粉一流，卡绑拿个汁偏干身，意粉熟度岩岩好，爽口弹牙，芝士够香，份量都足，配上烟肉黑椒，十分惹味。煎鲭鱼要赞下，冇骨鱼肉厚身，甘香肥美，完全走腥，薯块比较干身，粟米普通罐头料。最后到肉酱多利亚，姐系肉酱饭。芝士面系正，焗过黎，仲脆既，肉酱正常普通野，饭偏干出，但捞埋肉酱同芝士一齐食就岩岩好，好食既，可惜份量偏少。最后值得一赞既呢间萨利亚几干净，餐具唔会油立立，员工服务都几好，食咁多野先百二蚊，有下次啦。