東京チカラめし (已結業)

每逢星期日都会去mikiki食午餐。今日见到呢间舖头终于开张，旺角分店大排长龙，估唔到喺mikiki分店都要排队，排咗大概20分钟，侍应叫亲入座嘅都系两人，入咗五六张枱先到四人座位。我觉得侍应安排有点差，好多二人枱， 但三人枱以上就要等好耐。芝士烧牛肉丼 卖相已经觉得唔吸引，灸烧芝士只有少少㶶，啲芝士完全冇融到，好似食紧芝士粒咁，食唔到芝士嘅香味。牛肉加咗啲烧汁味道算浓郁，饭系湿润嘅。烧牛肉丼配两件炸鸡 同上面𠮶个芝士烧牛肉丼嘅汁系一样嘅， 冇咗啲芝士啫。炸鸡外面𠮶层好干，炸到太㶶，里面都ok，有少少肉汁。盐烧牛肉丼配三件饺子 盐烧牛肉系冇汁嘅，味道差过吉野家，又贵过吉野家，畀我再拣就去吉野家食啦。饺子外皮好油，又干，个底煎得唔脆，麻麻地。吉列猪扒定食吉列猪扒好薄，好似专登拍扁咗咁，薄到好似张纸，好干冇肉汁。总结：等待时间长，价钱贵，味道不佳，套餐无饮品，只有水，去吉野家好过。