Vision 8

今晚同朋友喺荃湾附近行街，朋友推荐呢间西餐厅，估唔到系好高质，而且平日都好full，服务同埋环境都好值得一赞，食物都感受到佢哋嘅用心！🍞餐包餐包非常软熟，上枱嘅时候仲系暖笠笠，最值得一赞系佢嘅黑松露牛油，搽落面包度非常好味！🍲 南到豆忌廉汤餐厅介绍呢款系印度豆，平时唔太钟意豆嘅我，都觉得呢个汤好好饮，佢嘅忌廉汤系好香浓，口感顺化，加埋豆出奇地夹！🍝鲜菇蚬茄酱烩意大利面份量非常大，蚬嘅数量亦好多，意大利粉每条都好挂汁，食得出系用鲜茄熬制嘅酱，好值得一试，绝对有惊喜！🍟酥炸小食盘酥炸小食盘，包括咗四样嘢食（鱿鱼圈、薯条、芝麻炸鸡翼、炸鱼）。每一样嘢上枱嘅时候都系热辣辣，食落去表面非常香脆！最值得一赞系芝麻鸡翼，非常juicy，同埋准备左三款唔同酱畀我哋点炸物，上台仲为我哋介绍，非常用心！🥓苹果木烧西班牙黑毛猪鞍扒（芥末汁）最近餐厅做紧呢道菜$80，好揸食！黑毛猪安扒肉质非常鲜嫩，多汁，脂肪分布平均👍🏻，加埋芥末汁平衡返个油腻感，CP值好高！另外最值得赞嘅系薯蓉，入口幼滑，好重蒜蓉味！🍋柠茶柠茶嘅茶底都好浓郁，今次叫咗走甜同特登叫一片柠檬，成个茶底令我好想再饮一杯！