Layback Cafe & Bar (已結業)

自家制南瓜汁天妇罗虾什菌意大利饭 $128 好味既意大利饭，南瓜汁creamy但唔觉腻，加埋杂菌口感丰富。炸虾个粉唔厚，几香口。Chill小食拼盘 $118 有紫薯饼，炸天妇罗虾，菠萝酿鸡翼，炸一口芝士。鸡翼果粒菠萝其实唔系好食得出，而一口芝士同紫薯饼味道竟然差唔多，就系一件炸物。爆芝炸鱼汉堡配薯条 $128 芝士望落好澎湃，Bagel食落几烟韧，炸鱼外脆内软，几好。是日餐汤 跟主食$25，哗！呢个蘑菇汤CP值极低，罐头汤好饮啲，$25真系好离谱，跟主食送就差唔多。苹果啤梨鲜打绿茶 跟主食减$10所以$40，正正常常几好饮，不过几细杯，1/3杯系泡同冰...食物质素尚可接受，但价钱偏贵唔抵食。呢个价钱大把餐厅质素高好多。店内环境几迫，同隔离枱太近，倾谈都觉得有点嘈，食完都唔会想坐耐啲chill下。