影片
更多
2019-05-18
1747 浏览
争鲜一碟寿司都系$8，虽然质素唔可以话好好。但系咁嘅价钱来讲都叫可以摆得落肚啦。呢个系餐牌，如果喺回转寿司带上边无想食既食物都可以向侍应落单。呢度个茶包系自助式，钟意饮浓啲嘅朋友可以用两个茶包。我自己就好钟意争鲜嘅茶，钟意用嚟搬埋寿司一齐食。哩一种普通寿司一叠有两件，质素比起外卖𠮶一种好。我尤其钟意食呢个蟹棒寿司，除寿司之外仲有好多唔同嘅小食。而呢一种黑色碟嘅系比较贵价既食材，好似呢一个三文鱼腩咁，每碟就只系得一旧啦。不过呢一个三文鱼腩真系几唔错，同出边普通日本餐厅食嘅都有得比！👍想平平哋食返几款钟意食嘅寿司可以黎试吓🤤
张贴
