居酒屋·姫 (已結業)

呢间位于尖沙咀天文台道嘅日式居酒屋·姫，听好多人介绍过佢哋嘅CP值好高，呢次专登过嚟一试究竟。山椒麻辣海鲜锅：呢个海鲜锅嘅用十足，有满满嘅海鲜，好似有日本蚬、海虾、虾丸、太子贝、青口同埋文甲鱿鱼等，佢哋啲海鲜够新鲜，口感弹牙爽口，又够鲜甜，尤其海虾同日本蚬。而且呢排天气转冷，食呢个锅就啱啱好，仲带阵阵麻辣，够哂惹味。厚烧玉子寿司呢款玉子寿司同出面好唔同，佢系用两大块劲厚嘅玉子夹住一丁点嘅寿司饭，甜甜嘅玉子，满满嘅蛋香，系玉子迷必食之选，食完劲满足。八代海苔吞拿鱼腩卷寿司卷入面除咗有满满嘅吞拿鱼蓉之外，仲有咸香味浓郁嘅芝士，两者嘅味道出奇地夹，咸香嘅芝士可以完美突出吞拿鱼所带嘅鲜味，令卷物食落味道更加丰富。