Mizu (已結業)

𠮶日经过佐敦见到呢一间「Mizu」，见到佢几得意装修几靓就入去试吓。星期六就叹一个brunch啦！朋友就叫左个all day breakfast。佢哋嘅早餐套餐都好丰富下，有炸鸡、黑松露酱鸡蛋、炒蘑菇同埋薯饼。个蛋煎得刚刚好，每一口食落去都好满足，仲有好多黑松露嘅香味！配埋啲粟米同茄汁豆，一份绝对够饱！而我就比较肚饿，所以叫咗佢𠮶个招牌定食-Mizu烧鸟定食。入边有劲多款唔同嘅烧鸡肉，烧鸡中翼，免治鸡肉棒，京葱烧鸡配上新鲜嘅蔬菜，味道非常出色。烤鸡肉香嫩多汁，食落去好满足。仲有个蛋黄可以俾你点埋啲鸡肉食更加鲜味。整个套餐系一个完美嘅组合，保证会让你回味无穷。饮品方面都整到好精美，我试吓佢哋嘅Hot Cafe Latte同Hot Flat White。两款咖啡都系经典嘅选择。哩到既咖啡师傅手艺唔错，二杯都煮得好香浓。Cafe Latte有浓郁嘅咖啡香味同埋顺滑嘅牛奶口感，而Flat White则更加浓厚，咖啡同奶嘅比例刚刚好。无论你钟意边一款，都能够享受到一杯美味的咖啡。呢间餐厅星期六晏昼都几多人，不过见佢啲嘢几好食，应该下次都会返兜试吓。