Boire et Manger (已結業)

星期六6:30左右黎到，都差唔多满座，有book位套餐可享85折。餐厅细细，装修简单，有小馆嘅感觉，都舒服。但唯一唔好既，就系厨房系餐厅后方，油烟通风系统应该麻麻地，成餐都有好大油烟咁嘅味道。晚市套餐好多野食，仲要有85折。生蚝两只、餐汤、烟三文鱼他他、主菜及甜器、饮品。生蚝🦪唔够肥美，唔算腥，无咩海水味，但跟餐送都算ok。餐汤系粟米汤，食到粟米茸，感觉太清新，我麻麻地。餐包个dough都几烟靭，仲搽上橄榄油。前菜都真系几多，仲有迷你三文鱼他他，虽然细，但都有只生蛋喺上面，有洋葱黑椒香料调味。不过洋葱都切得几大粒，口感都有啲搞笑，偏重口味嘅。巴约纳火腿意大利细面条（$198）呢只面质地有别于普通意粉，好似手工意粉咁，比较薄同挂汁。个酱汁唔会好腻，火腿唔会好咸。觉得唔错。安格斯封门柳（套餐$438）五成熟，感觉细份咗少少。牛味唔出，但系个肉质几好，好霖唔靭。跟餐甜品有心太软或法式可丽饼（两个都有雪糕），拣左后者，正正常常，皮都有少少脆薄，唔太甜但都唔香。跟餐Iced lemon tea，唔使加钱，但个茶底好怪不过食完成餐饭，最大嘅感觉都系好油烟。