影片
更多
2017-03-24
230 浏览
庆祝周年纪念, 订左6点半准时到达, 去到门口第一感觉有D伏. 就系普通隔离家人既屋企道门, 因为旧个门钟坏, 所以另外贴左一个新既门钟系个大门上面, 仲要贴到东歪西倒. 咁求其都有, 同自己讲或者入面另一片天呢...入到去...真系屋企咁样. 我唔明点解咁多COMMENT话入面气氛好好!! 少少装修都无. 墙上贴左D淘宝RMB5蚊有36个既蝴蝶墙贴作装饰...大佬呀. 讲紧你收紧最平一个set系$980 !!! 同自己讲, 私房菜唔系食装修(咁佢都赚到好尽) 又可能D食物超级西利好食呢?!?! 坐低左. waiter就问要唔要水. 之后水来左, 过左5分钟有多, 我同老公你眼望我眼...咩事, 无menu?! 我问老公系咪订台果时已讲左食d咩, 佢话无....最后要自己问佢先拎个menu来睇, 有8 course $980 同10 courses $1180...叫左$980 X 2, 因为无信心. 好快有人拎左两片面包同甘荀酱来. 2样都几好食. 不过真系好少. 出去食FINE DINNING通常D面都有好几旧唔同款. 呢度真系只有每人2块 (超薄+细过梳打饼) 之后来左个HAM
好快有人拎左两片面包同甘荀酱来. 2样都几好食. 不过真系好少. 出去食FINE DINNING通常D面都有好几旧唔同款. 呢度真系只有每人2块 (超薄+细过梳打饼) 之后来左个HAM同D用醋浸既梳菜. 呢个starter ok啦. 无咩特别.
上完呢两样食物之后, 等左半个钟先上另一款系带子黎! 个带子ok既. 几好食. 暂时来讲都算合格, 当时7:15分 开始有其他客陆陆逐逐黎到.
又等到7:41分, 即系又差唔多半个钟. 又上另一款菜 (红菜头汁三文鱼). 当时我发觉到. 果d 7点或打后入坐既客人上菜奇快. 我坐左个几钟上到呢个三文鱼, 佢地坐半个钟又系同时一齐上到三文鱼?!呢个三文鱼好差, 成件事得一个字"酸"!! 好酸! 完全食唔到佢系鱼黎!
又再隔左好耐8:10分送来龙虾汤, 呢个几好味! 无一般龙虾汤有果种苦味! 几好的! 当时已经有5台客. 除左一台8点先入坐既客人外. 全部一齐上来呢个汤! 我明点解我样样都要等半个钟. 因为佢地唔会理你630到定730到. 佢系会等埋一齐先煮!! 然后一齐上!!
今次快左少少, 唔洗半个钟, 8:23送上煎鹅肝, 好薄, 好细, 好干. 一点JUICY既感觉都无, 无油, 有渣. 好失望. 配一啖份量既红酒煮天使面. 个面一旧野咁...几难食
OK! 食完呢个之后因为另外有几台系10个course既, 所以我地就系度等等等等等, 因为我地要等佢地食完果2个extra既个厨先会理我地呢台点8courses既 (我估) 等到8:55. 真系唔系路! 同佢讲可唔可以快d, 赶时间 (已坐左2.5hrs)! 佢立即就拎左个蕃石榴soba来!
大佬之后系soba! 有无咁难整呀. 等左over 半个钟! 呢个ok既几清新但已经个肚有d火, 之后佢竟然5分钟9:03就出埋个maincourse 比我!咁之前咩事样样都咁Q耐先出到? MAIN系糟雪鱼(唔记得系咪呢个名了) 个鱼都算好食既. 入面都滑, 表皮煎白, 配个应该系茄子粒. ok啦合格既. 但份量好少.
又超快速地9:13分钟送埋个DESSERT. 每人半件柠檬TART, 味道不过不失. 但饼底"林"哂. 因为我话赶时间, 上DESSERT时已点埋饮品LATTE, 因为佢话如果饮花茶要搞好耐....怕左佢. LATTE好麻麻, 算啦唔系来饮咖啡. 唔洗讲.
题外话/补充资料：
呢间野我真心唔明点解可以咁多好评, SERVICE系OK的, 但食物绝绝对对只系一般, 气氛绝绝对对系无! 点都唔值卖单要2K! 2K绝对可以有更多更好既选择! 记得旧年周年纪念系去ICC Ritz Carlton TOSCA LUNCH! VIEW一定无得输!! 米之莲一星! 而SERVICE系一流中既一流!! 当日因为WAITER搞错左, 未上第3道菜就送左甜品上来. 经理竟然因为咁主动每人都FREE左一个COURSE作歉意. 其实真系好小事, 我地都无介意过. 而且之后再送返来果份甜品系重新制作(因为写字同画花有少少唔同左)! 唔系拎返之前送来果份比我!! :flower: TOSCA既SERVICE真系好IMPRESSIVE!! 我想话, TOSCA DINNER SET系$1400!! AMINA收 $980/1180 真系觉得自己中伏得好紧要
(以上食记乃用户个人意见 , 并不代表OpenRice之观点。)
张贴
