月．火鳳燒鳥 (已結業)

今日黎到呢间位于白布街，超高水准既居酒屋。居酒屋装修心思精致，居酒屋分两层，上层是塌塌米，感觉置身于星空中。我地二人选择下层bar枱位，墙身装饰成鱼缸，裹面隐约见到一支支日本酒。bar枱上摆放左个鱼缸，裹面养左好多只蟹仔，几得意，原来佢系炸比人食架。太残忍，所以我地无点啦。坐bar 枱好处系可以见到师傅亲自烧串烧，好有日本feel，串烧又香喷喷，一d 都唔会大烟。先食个前菜-牛蒡炒免治鸡肉粒，真系好小食牛蒡，甘样炒原来都几好味。刺身，深海池鱼，带子，鱿鱼，样样都新鲜甜味噌牛舌-呢个真系唔讲得笑，劲好味，牛舌好腍，好入味，仲有d豆腐粒配衬。点小得串烧，五花腩，秋葵，鸡软骨，芦荀，鸡颈肉。猪颈肉就食得多，鸡颈肉唔系师傅推介都唔识叫黎食，原来几好味wo。杂锦鱼生饭，餐牌无架，我都系随便问下，师傅就整比我食，老板话10月先推出咋，估唔比我早一步食到😋仲有甜品水玄信饼食，充满惊喜既居酒屋，大家黎到呢度唔怕谂唔到食乜。