川大哥

营业中

休息中

今日收工约左屋企人食饭，打算黎深水埗一头觅食，行行下黎到呢头见到呢间川菜小店几新式，有别于传统中菜馆既装修，决定一试。入到去好快有人招呼，店设QR code落单方便快捷，如果拣唔到店员都会俾下意见介绍番餐厅环境干净，台之间唔会逼，一家左细黎可以近门口更有气氛。先叫左啲开胃小食，泡椒鱼皮$32，少少辣好爽口。再黎叫左啲串烧，羊肉串$18@2串，上面有川味辣粉同孜然粉，好惹味！厚切牛脷$35@2串，大大块我同家人2个人惊食唔哂，就叫左黄金酸菜鱼锅（小）鲷鱼小辣 $198。哗估唔到好多鱼肉，好似食极仲有咁，加上佢哋个汤底有好多娃娃菜，个汤又冇乜味精，越食越想食，食完又唔觉口渴我哋仲叫左啲火锅配料，包括日本广岛蚝$88，红薯粉$19。广岛蚝$88大大粒，有6只好抵食，放落酸菜鱼汤底入面仲好juicy薯粉都好烟韧，煮耐啲吸哂啲汤汁好鬼正见隔离枱叫左一盒锡纸烧，我哋都叫黎试下先！叫左蒜香烧蚬$58，大大盒放上个小烛台上热住，慢慢食啲蚬都仲暖，份量都几多呢个价钱好抵食而且多蒜得黎几香，处理得几干净冇沙。下次会再同朋友黎翻兜佢个黄金酸菜鱼，想试埋佢个辣子鸡丁，望落整得几靓又大大盘好香口咁。