春宵

营业中

休息中

最近网上人气好高嘅「春宵」，今次同三个闺蜜一齐去试吓佢哋嘅火锅真系好高质素！一入到去，舒适环境，同埋成个气氛都好chill我哋嗌咗《鲍鱼花胶鸡汤》 ，个汤底非常足料！除咗浓郁，仲好鲜甜，真系好滋补。个汤底一滚我哋已经急不及待想开始配料方面我哋嗌咗《A级安格斯牛小排 (小)》 ，一放入个汤，已经闻到阵阵牛肉香。牛小排肉质香嫩 ，口感非常丰富好juicy，非常啱钟意食牛嘅朋友《椒盐鱿鱼须》 鱿鱼须好弹牙，又够晒浓味，真系越食越上瘾🐙 《泡菜烟熏猪腩肉》呢度𩠌真系好震撼 ！个烟熏味好香，猪腩肉腍滑香口，好入味，加埋泡菜嘅酸辣成个组合都令人食到唔停口 《炸午餐肉》炸午餐肉外脆内软，点咗酱汁一齐食，超好味，绝对食火锅必备嘅配料！食完之后我哋四个都一致认同春宵嘅食物好高质，而且整体服务态度超好，食完真系好有满足感