影片
更多
2022-07-10
118 浏览
今日放工本身谂住做家庭煮妇，但谂谂吓又觉得最近压力大，想出街行吓唞唞气，于是喺巴士上面临急临忙上网揾餐厅再通知老公，咁啱醒起朋友介绍过木玥巷，所以就去试吓，咁啱巴士都顺路😙。去到拣咗窗口位，环境简洁舒适开扬。餐牌上面每样嘢都好似好好食，样样都想试吓，最后拣咗招牌红烧牛肉面、黑糖苹果西打猪软骨、盐酥鸡、台湾双色肠同黑糖寒天欧蕾。1️⃣ 招牌红烧牛肉面 🐂🍜 $96最初有啲疑惑点解会咁贵，一嚟到就知点解，真心有啲吓亲！佢里面有两块超厚身同大块嘅牛展，真系好似手指公咁厚。另外仲有一条好长好粗嘅牛筋同两大块牛肚，份量真系好惊人！味道又如何呢？除咗面煮得淋咗少少之外，其他都要大赞。汤底好香浓，即要忍唔住饮几啖，牛展牛肚牛筋都卤得好香好入味，质感软嫩，正！2️⃣ 黑糖苹果西打猪软骨 🍎🐖 $70一嚟到又系有少少吓亲，无谂过$70嘅份量会有咁多，𠮶度起码有8大块猪软骨，每一块都起码有⅔只手掌✋🏽咁长，好夸张！一放入口，🤩哗！好美味呀！个汁真系好正，好香甜惹味，中间带有少少醋味，食落有少少似糖醋排骨。猪软骨好入味，肉质又软又嫩，一啲都唔硬唔靭。我觉得比红烧牛肉面更出色！3️⃣ 盐酥鸡 🐓 $42好香口酥脆！鸡有
去到拣咗窗口位，环境简洁舒适开扬。餐牌上面每样嘢都好似好好食，样样都想试吓，最后拣咗招牌红烧牛肉面、黑糖苹果西打猪软骨、盐酥鸡、台湾双色肠同黑糖寒天欧蕾。
1️⃣ 招牌红烧牛肉面 🐂🍜 $96
最初有啲疑惑点解会咁贵，一嚟到就知点解，真心有啲吓亲！佢里面有两块超厚身同大块嘅牛展，真系好似手指公咁厚。另外仲有一条好长好粗嘅牛筋同两大块牛肚，份量真系好惊人！味道又如何呢？除咗面煮得淋咗少少之外，其他都要大赞。汤底好香浓，即要忍唔住饮几啖，牛展牛肚牛筋都卤得好香好入味，质感软嫩，正！
2️⃣ 黑糖苹果西打猪软骨 🍎🐖 $70
一嚟到又系有少少吓亲，无谂过$70嘅份量会有咁多，𠮶度起码有8大块猪软骨，每一块都起码有⅔只手掌✋🏽咁长，好夸张！一放入口，🤩哗！好美味呀！个汁真系好正，好香甜惹味，中间带有少少醋味，食落有少少似糖醋排骨。猪软骨好入味，肉质又软又嫩，一啲都唔硬唔靭。我觉得比红烧牛肉面更出色！
3️⃣ 盐酥鸡 🐓 $42
好香口酥脆！鸡有鸡味！点上清甜酱汁，好惹味！我老公超钟意食🤤。
4️⃣ 台湾双色肠 🍖 $46
一黑两红，味道好似无乜分别，点上酱汁，香甜惹味。
5️⃣ 黑糖寒天欧蕾 $34
味道清甜可口，奶味好香，质感好滑，寒天口感超可爱Q弹！唯一略嫌饮少咗咖啡味。
最后我哋食剩好多嘢🫠🫣，全部打包听日当午餐😍。真系无谂过哩个价钱个份量会咁大，埋单只系$321，CP值超高！以后我同老公喺屯门又多一个选择喇！
张贴
