後街牛扒

营业中

休息中

1. 野菌蘑菇汤个汤嘅味道十分浓郁，配料十足，但又唔重口味。个汤由不少蘑菇调制而成，所以个口感好rich。温度适中，不会很烫口。2. 田园沙律沙律菜十分新鲜，生果非常鲜甜，而且估唔到红菜头都可以咁甜😚😚😚。沙律油份量适中，唔会令到成个沙律好酸。3.火魔法铁板纽西兰肉眼扒肉眼扒既肉质好。芝士汁味道一流，即使芝士汁份量好多，都唔会太腻。除咗牛扒肉质芝士味道一流之外，呢份牛扒嘅外观亦都系一个卖点，一开始块牛扒就好似平时铁板牛扒一样就咁端上跟住落d芝士汁系上边。之后，侍应会加料令到成块铁板着火🤩🤩🤩🤩好正！！ 4. 美国IBP Prime 丹佛牛扒一开始谂住叫五成熟嘅牛扒，但系点知嚟错咗三成熟。一般餐厅嘅牛扒叫三成熟佢会变得好韧，但系由于牛扒质素高，食落去非常有口感而且仲有肉汁。食完之后，个人极之推荐叫三成熟。最后两人埋单食咗大约$600，但系有头盘，汤同埋任饮嘅嘢饮，而且块牛扒份量超大，一个人食完之后绝对够饱。总括来讲唔算太贵。