Kachimushi

营业中

休息中

今日难得入到锦田，就周围行左一圈，比自己一个机会感受下大自然。记得朋友推介过锦田既一间cafe好舒服，而且影相几靓，所以就去左食下野，饮下啡。牛肉吐司带香浓肉香既半熟牛肉，煮至金黄香甜既洋葱丝，再加上火箭菜同芝士，呢个配搭无得输！而且面包烟烟韧韧，加埋其他材料，可以算得上系我近期食过最好食既一份toast😋柠檬蛋黄酱蓝莓班戟pancake本身唔太厚身，唔会太heavy而又可以沾到好多酱一齐食。柠檬蛋黄酱十分香甜，中间带啲酸味作平衡，食哂成件都唔会腻～巴斯克芝士蛋糕呢件cake又系刷新左我对芝士蛋糕既感觉，佢味道带微酸，有啲似乳酪既味道。质感顺口唔厚身，唔觉唔觉就会食哂成件🙈而佢仲有另一款豆腐味我都好想试🤤Dirty对我黎讲，牛奶份量多左啲，不过的确系一杯打卡唔错既signature drink😉Espresso Tonic十分适合今日有啲热既天气，饮落去成个人都好舒服～Pour Over(PNG Natural)热爱饮手冲既我，见到咁样既flavor notes点可以唔试一试佢？点知成件事cp值高过我预计既唔少，tropical fruit既果香，果甜，果酸，都充份体现到系呢杯啡入面。