德美壽司

营业中

休息中

充满居酒屋气氛嘅门面已经吸引到我，睇返门口嘅餐牌，觉得价钱合理，就立即冲咗入去😬QR code落单，方便快捷！三文鱼寿司~同朋友都系三文鱼控，第一件事当然要点三文鱼寿司！三文鱼嘅质素唔错，纹理清晰，颜色鲜艳！牛油果软壳蟹卷~上枱一刻有啲被佢嘅卖相惊艳到，软壳蟹炸到非常酥脆，再配搭其他材料被寿司饭包住，之后再用大量嘅蟹籽放面，口感极度丰富！北海道带子甜虾鱼生片丼~刺身每一片都非常新鲜兼厚切，面豉汤热够晒热同时唔会死咸，沙律菜亦发挥到前菜嘅功能，酸酸嘅酱汁令人开胃。野菜牛肉锅~每一件牛肉都肥瘦相间，够晒牛味，除咗野菜之外，亦有粉丝垫底，非常饱肚！最后，亦有送上甜品系云呢拿味嘅糯米糍。