影片
更多
2023-01-28
1117 浏览
由于搬离元朗，相隔一年多， 先有机会同同事再次帮衬呢一间《校长烧肉》， 庆幸喺疫情期间都顶得住， 可以继续食到价廉物美嘅放题。校长烧肉除咗有烧肉放题之外， 仲有埋火锅放题， 虽然并唔系乜嘢贵价材料， 但系已经过价钱可以任饮任食， 真系认真超值。烧肉嘅材料款式都算多， 猪、牛、鸡、鱼、丸， 基本嘅烧肉款式都一定揾到。我最钟意蜜汁金沙骨，肥瘦适中，而且腌得唔错， 烧到金黄色好香口。豚肉片都唔错， 带点五花， 烧起来油脂逼出， 点埋韩式嘅酱油， 油香十足，佐酒一流。另外烧粟米同埋烧金茹都几过瘾， 用锡纸兜装住， 入边有埋牛油， 简单成为牛油粟米同金菇。另外呢度嘅刺身都ok新鲜， 三文鱼、甜虾、八爪鱼等。 配埋任饮嘅清酒同梅酒， 同朋友一边食一边倾下偈， 相当唔错。饮咗酒又想有啲暖嘅嘢落肚， 打边炉就最啱喇。呢度嘅枱可以一枱两食， 钟意打边炉又得， 钟意烧肉又得， 随你钟意， 任君选择。蔬菜区有唔少选择， 轻易拼出一个健康嘅蔬菜底火锅， 喺食肉嘅同时， 都要注意埋健康至得。至于甜品方面都有十几款， 香芋牛奶冻同埋炸香蕉糕几特别。 滑捋捋嘅牛奶冻渗出香芋嘅香气。 另外炸香蕉糕外脆内软， 咬落软软
校长烧肉除咗有烧肉放题之外， 仲有埋火锅放题， 虽然并唔系乜嘢贵价材料， 但系已经过价钱可以任饮任食， 真系认真超值。
烧肉嘅材料款式都算多， 猪、牛、鸡、鱼、丸， 基本嘅烧肉款式都一定揾到。
我最钟意蜜汁金沙骨，肥瘦适中，而且腌得唔错， 烧到金黄色好香口。
豚肉片都唔错， 带点五花， 烧起来油脂逼出， 点埋韩式嘅酱油， 油香十足，佐酒一流。
另外烧粟米同埋烧金茹都几过瘾， 用锡纸兜装住， 入边有埋牛油， 简单成为牛油粟米同金菇。
另外呢度嘅刺身都ok新鲜， 三文鱼、甜虾、八爪鱼等。 配埋任饮嘅清酒同梅酒， 同朋友一边食一边倾下偈， 相当唔错。
饮咗酒又想有啲暖嘅嘢落肚， 打边炉就最啱喇。
呢度嘅枱可以一枱两食， 钟意打边炉又得， 钟意烧肉又得， 随你钟意， 任君选择。
蔬菜区有唔少选择， 轻易拼出一个健康嘅蔬菜底火锅， 喺食肉嘅同时， 都要注意埋健康至得。
至于甜品方面都有十几款， 香芋牛奶冻同埋炸香蕉糕几特别。 滑捋捋嘅牛奶冻渗出香芋嘅香气。 另外炸香蕉糕外脆内软， 咬落软软糯糯， 又有香蕉味， 都几唔错。
我哋食嘅系晚市早埸时段， 五点钟入座， 每人200蚊有找， 真系非常之抵食。 希望疫情过后，食肆可以重新振作!
张贴
