鮨金和食料理 (已結業)

好朋友生日，礼物就免喇，一黎怕唔啱用，实质系懒得谂，所以同佢食餐好嘅代替。铜锣湾Cubus出名多高级餐厅，其中鮨金和食料理系当中高质素之余性价比亦较高嘅日本菜，佢除左有刺身寿司之外，亦有和牛Shabu Shabu。鮨金嘅店面比好多鮨店都要大，佢一边系寿司吧台，另一边系普通餐枱，对于人多嘅食客倾偈会方便啲。朋友钟意食鱼生，而鮨金嘅刺身/寿司厨师发办套餐就有三个唔同价位，由最平$1,098到最贵$1,798，我地拣左最贵嘅套餐彩云($1,798)，佢包左24道菜，当中包括10款刺身同6款寿司/卷物，相比起好多高级鮨店都抵食。前菜 - 先黎三式前菜，最前面山芋蓉配水云，山芋蓉本身冇乜味，不过配左下面嘅酸汁就好开胃，上面再放左三文鱼籽点缀，下面嘅水云有啲似发菜。酸酸地好开胃。右上角系玉子豆腐，好滑溜，上面系黑鱼子。左上角系黑梅背煮萝卜，黑梅贝有啲似东风螺，萝卜好腍冇渣。蟹肉蒸蛋 - 蒸蛋热辣辣仲好滑，入面除左蟹肉仲有有冬菇、虾同白果。师傅准备紧刺身时，可以先食啲腌菜，我最钟意辣蒜头，好惹味。室津蚝 - 生蚝超肥美，海水味适中，非常新鲜，食之前可以落少少青柠汁。左口鱼 - 哩碟刺身分左两个部份，