淥鼎記

营业中

休息中

前菜都有六款选择都可以任食。台式盐酥鸡真系令我食不停，香脆入味，好惹味。饮品都有好多选择，但一定要饮自家制清热凉茶，今次有竹蔗茅根，唔会太甜又足料，而且独立包装感觉卫生。老坛酸菜鱼，滑嫩鱼已肉起骨切片，吸收汤汁精华后味道香浓酸辣，配料仲有宽粉、莲藕、莴笋等，份量好大，两个人几乎食唔晒，仲要留肚打边炉。食完之后再拣汤底打边炉，汤底拣左花胶鲜鸡美人锅，浓味好饮又可以养生。海鲜拼盘有鲜虾同蚬，另外仲有多达40款火锅配料任食，推介手工虾滑、墨鱼滑，超级弹牙。最后仲有甜品北海道牛乳布丁，香滑奶味重。今次系第二次黎食，之前食过觉得CP值真系好高，饱到要捧住个肚走，同埋钟意呢度地方大，楼底高，座位阔落坐得舒服，又有卡位。