珍一料理 (榮高樓) (已結業)

前排喺旺角行街，见到过买卤水嘅地方，睇落都好似好吸引，谂住加料买啲𩠌返屋企，买下买下就买咗五六盒😛，佢哋除咗卤水野之外，仲有少少热食嘅选择今次就买咗自选三拼（莴笋丝，金钱肚同猪耳），金钱肚同猪耳都好爽，而且好入味，小编都好钟意食辣，所以呢个辣到都可以接受嘅🤗另外，仲叫咗回锅肉同埋口水熏蹄，两个都系辣嘅🤣，份量亦都好多，最终呢两个𩠌都食唔晒，不过，都可以留返下次自己煮面食𠮶时加啲𩠌落去，一样咁好味😆，另外口水汁落少少都已经好辣😈，唔食辣嘅朋友就要注意啦😉除咗辣之外，佢哋店舖都会有啲唔辣嘅，另外都有叫到烤麸，蕃茄牛腩，味道都唔错，牛腩都炆得好淋👍🏻整体来讲，味道都唔错，价钱都好实惠，钟意食辣嘅朋友仔都可以试吓😉