湄南.河泰式船麵 (已結業)

今日陪妈咪去楼上入货，之后就顺便食埋晚饭拣咗呢个泰北二人套餐，啱晒妈咪口味呢个套餐佢有两款前菜，两个主食同埋甜品，饮品前菜有单骨鸡翼(十只)同埋酸辣凤爪沙律鸡翼炸得非常香口，仲要铺满咗炸蒜，真系令人流晒口水，食落非常惹味至于个酸辣凤爪沙律，凉拌形式就好特别开胃，酸酸甜甜，凤爪够晒弹牙，调味亦都非常可口主菜泰式炒猪肉碎饭份量十足，用辣椒同香料炒，味道非常香浓开胃亦都好好送饭至于个猪颈肉船汤河同样令人满意，汤底味道丰富有层次，汤粉滑溜吸收晒汤汁就更好味。加上唔同香叶，每啖都充满香气。猪颈肉估唔到咁多，轻煎后略有焦香味又满满油香，咬落嫩嫩好味道食埋椰汁糕同千层糕两款充满泰国特色嘅甜品，椰香味十足，烟烟韧韧，每款口味各3件，餐厅真系唔悭本。其实我觉得呢个泰北套餐系非常超值，份量多到3个人都食唔晒，我同妈妈都食到捧住肚。