鳥海山鐵板燒 (已搬遷) 新店位置

今晚嚟到长沙湾呢一边食铁板烧，朋友之前都有介绍过呢一间铁板烧，佢都提及话质素同埋性价比都非常高，今日我哋就预订咗位置咁啱就过嚟试吓，我哋大概系八点嘅时间到，当日晚餐时间都几多人，餐厅嘅气氛都非常热闹我哋叫咗个二人套餐，其中推荐嘅嘢食有鹅肝多士，鹅肝多士非常好食，鹅肝入口即溶，再加埋牛油多士非常香，份量亦都非常足够 南非鲍鱼亦都非常新鲜，我哋每人一只份量都非常多，咬落口亦都食得出爽口弹牙嘅口感，食得出鲍鱼本身系非常新鲜！另一个主角就系佢嘅龙虾，龙虾每一啖都非常爽口弹牙，食落去啖啖肉，餐厅系用本身龙虾头嘅膏去做返佢本身嘅汁，味道非常好夹，而且食得出师傅系控制火候方便，唔会有煮太耐嘅情况出现，龙虾嘅肉质非常鲜嫩，咬落去亦都非常Juicy,正！每一次食啲把声都最钟意食佢嘅炒饭，因为可以做到非常干身，今次都唔例外，每一粒饭都炒到粒粒分明，而且非常香口，我同朋友都唔钟意食葱，师傅非常细心咁样问我哋需唔需要走葱，呢个位非常值得加分！ 总括嚟讲用餐经验，非常愉快，而且餐厅都非常抵食，有机会会再返嚟帮衬