雲壽司 (聯成商業中心)

营业中

休息中

呢间位于铜锣湾既云寿司，主打系食寿司／丼饭，佢都有几多几抵食既lunch set，下午茶同宵夜时段仲有8折添。佢店舖size唔大，主要系bar seat，都好啱自己黎一人浪漫。我今日叫左个老板推荐既寿司拼盘一人餐（$168），佢都几丰富，有刺身×2+寿司×5+迷你馒鱼饭。食落都十分之新鲜同有份量，好饱！首先要赞下个刺身，有两枚厚切三文鱼腩，同埋两枚特大带子刺身。三文鱼腩十分厚切新鲜，带子亦无食过咁大粒，食落都弹牙有鲜味。好味！另外，佢5件寿司有赤虾，左口鱼边，真鲷，吞拿鱼面颊肉同埋三文鱼籽寿司。最中意系赤虾同左口鱼边，赤虾厚身弹牙又胶质，左口鱼边鱼油味香入口即溶，好正！最后，呢个餐既主角黎啦！虽然佢话迷你，但佢一啲都唔迷你既馒鱼饭。三件十分之肥美有光泽既馒鱼，食落好肥美好香，酱汁味浓，配埋烟靭软柔既珍珠米，大满足！✏️总括而言，性价比都唔错，佢午餐下午茶都好抵食。