影片
更多
2018-07-16
851 浏览
食开放题都知唔多有午市放题，有都多数系连锁式既放题店，质素每况越下 😫以前做学生个阵成日帮衬食到无晒信心，都唔系几敢再食午市..... 不过今日晏就同左个fd食呢间「大本瀛」，经过兆万1点都未够就有位姐姐系到派宣传单张，见到188蚊任饮任食三个钟，就上去一试！不得不提既系入到去全部都系卡位，气氛都好好🤭都不禁赞叹一下，对于钟意坐卡位既人真系一大福音;好多放题店都好逼，啲野食黎到都无位放。一去到就开始order野食，落单纸由a至k，前盘去到甜品咩都有，连火锅都有！不过惊食唔晒就无叫，认真包罗万有。落左order唔洗5分钟已经上紧前菜同刺身，效率真系够晒高，叫同黎既数量都无多无少！ 刺身厚度啱啱好唔会食到好腻，味道都够新鲜，带子,珍宝赤虾同三文鱼真系非常推荐👍🏻👍🏻寿司大细非常合理，叫多几旧都唔怕！虽然食到咁上下就发现漏左手卷无黎到，不过都有寿司补翻数。 黑松露系列寿司一定要试下，松露份量好够，加埋刺身食真系好正！😵好快就黎埋其他野食。虽然速度快，但全部野食都系岀烟咁热，唔会冻冰冰！非常推荐香蒜烟肉焗北海道帆立贝同和风芝士焗广岛蚝！牛油香，蒜蓉够多，啱晒我口味！带子同蚝都焗得啱啱好，唔会
不得不提既系入到去全部都系卡位，气氛都好好🤭都不禁赞叹一下，对于钟意坐卡位既人真系一大福音;好多放题店都好逼，啲野食黎到都无位放。
一去到就开始order野食，落单纸由a至k，前盘去到甜品咩都有，连火锅都有！不过惊食唔晒就无叫，认真包罗万有。
落左order唔洗5分钟已经上紧前菜同刺身，效率真系够晒高，叫同黎既数量都无多无少！ 刺身厚度啱啱好唔会食到好腻，味道都够新鲜，带子,珍宝赤虾同三文鱼真系非常推荐👍🏻👍🏻
刺身
30 浏览
0 赞好
0 留言
寿司大细非常合理，叫多几旧都唔怕！虽然食到咁上下就发现漏左手卷无黎到，不过都有寿司补翻数。 黑松露系列寿司一定要试下，松露份量好够，加埋刺身食真系好正！😵
寿司
30 浏览
0 赞好
0 留言
好快就黎埋其他野食。虽然速度快，但全部野食都系岀烟咁热，唔会冻冰冰！
非常推荐香蒜烟肉焗北海道帆立贝同和风芝士焗广岛蚝！牛油香，蒜蓉够多，啱晒我口味！带子同蚝都焗得啱啱好，唔会太熟，而且一啖一只好正！
香蒜烟肉焗北海道帆立贝
32 浏览
0 赞好
0 留言
见到有日式花蟹粥就叫黎试一试，好贴心咁加左胡椒粉，有好多粟米令到个粥口感好丰富，味就更鲜。虽然睇佢细细碗，里面真系有半只蟹系度！
士多啤梨骨同安格斯牛柳粒好够味，但分量真系好多，同朋友好落力先食得晒😂士多啤梨骨味道好特别，热食仲有少少脆。牛柳粒京葱同牛味都好浓！
士多啤梨骨
42 浏览
0 赞好
0 留言
安格斯牛柳粒
25 浏览
0 赞好
0 留言
串烧方面，冬菇串烧烧得好多汁！羊架烧得够淋，而且唔肥，都一样好juicy!
冬菇串烧
42 浏览
0 赞好
0 留言
最后仲叫埋炸物，所有炸物个炸皮都唔会好厚，一口炸豆腐外脆内软，而且里面豆腐又滑又热辣辣好正！串烧虾都好新鲜好大只。榴莲炸弹一咬落去好有空气感，啲榴莲蓉就系裹面流岀黎！
最后既最后就当然系甜品，一人可以拣一款，我地就拣左牛奶奶冻同迷你心太软。奶冻滑，奶味重，又唔太甜！心太软虽然细细个，但朱古力味好浓，软心效果都做得到，但就有少少太甜。
整体黎讲，质素几好而且环境感觉唔错，午市都无令我失望，又可以慢慢食！佢地仲有$10生蚝，仲有泰式主题既料理，不过我就无叫，因为有好多野食都未叫得晒。虽然系放题，又有咁多款野食，但⼀啲都唔求其，下次有机会会再食！
张贴
