鳴門魚市場居酒屋 (已結業)

喺旺角见到呢间鸣门渔市场居酒屋做紧外卖自取优惠所有嘅熟食沙律均有八折，而所有嘅刺身寿司外卖自取仲有半价添，所以点选左一份沙律同埋一份炸物小食。亦一口气叫多左两款刺身同埋十件寿司。炸鱿鱼配他他汁：自家秘制嘅他他酱汁，呢度鱿鱼即叫即整，鱿鱼外面卜卜脆，炸粉唔太厚，咬落弹牙兼爽口，加埋酸酸甜甜嘅酱汁，变得更加好味。牛油果软壳蟹沙律：牛油果新鲜清新，生熟度适中，仲有清爽怡人嘅沙律菜，仲有主角嘅酥脆软壳蟹喺沙律上，厨师亦细心咁将其切开数件，再配埋佢哋呢度嘅特制酸甜嘅沙律汁，令人格外开胃。刺身叫左三文鱼刺身同埋赤海虾刺身，前者采用左厚切，油脂分泌又非常均匀，而后者虾身好大只，鲜味又爽口，令人十分满足。而寿司方面呢次就拣香港人钟情嘅三文鱼寿司，充满火炙香味油脂甚丰嘅火炙左口鱼边寿司，咸鲜味突出，口感一流嘅三文鱼籽寿司，鲜甜爽口嘅甜虾寿司，油香满溢嘅鹅肝寿司，最后系入口即化，令人一食上瘾嘅吞拿鱼腩寿司，佢哋用料上乘，样样鱼生都系无比嘅新鲜，完全系物超所值。