影片
更多
2020-10-28
207 浏览
旺角真系好多嘢食，有时多选择反而唔知道食咩。行经女人街，当然已经无哂游客，啲档口都好冷清。以前多人行时根本系唔会见到条街两边有咩餐厅，要穿过啲档口上番去行人路先到，而家走响马路上已经可以见哂啲餐厅。以往两旁有好多餐厅，不过今次行过，见到最少有两成已经关门⋯⋯一路经过啲餐厅一路都未提起劲入去食，最终去到街尾（油麻地方向），见到泰国餐厅「泰角」。餐厅唔系好大（不过好似隔离个舖位都系佢），限聚令下只系放到4张4人枱，2张面壁二人枱。佢有散叫，但好似好鼓励客人叫套餐，而佢啲套餐，的确系将最受欢迎嘅泰国菜式抽哂出黎。拣左泰角至尊二人餐 （＄288）另叫啤酒。哩个套餐选择都好容易拣。另外因为叫套餐关系, 仲可以以$6一只嘅价钱叫生虾(六只起)，我地叫左12只!冬荫功 – 有个酒精火热住，辣度刚好，因为佢热住嘅关系，饮到最尾𠮶啲辣劲都仲响度，哩个细微位做得唔错。泰角木瓜沙律（小辣）- 一黎到望落去好红，仲以为会好辣，望真啲其实系红色虾米仔黎，少少辣，但系木瓜好清爽醒胃。飞天炒通菜 – 有少少甜味, 同埋唔系好够镬气咁样。小食拼盘 – 有鸡串、春卷及咖喱角，老实讲后两者都系啲普通嘢，叫货都有得叫，至于
一路经过啲餐厅一路都未提起劲入去食，最终去到街尾（油麻地方向），见到泰国餐厅「泰角」。餐厅唔系好大（不过好似隔离个舖位都系佢），限聚令下只系放到4张4人枱，2张面壁二人枱。
佢有散叫，但好似好鼓励客人叫套餐，而佢啲套餐，的确系将最受欢迎嘅泰国菜式抽哂出黎。拣左泰角至尊二人餐 （＄288）另叫啤酒。哩个套餐选择都好容易拣。另外因为叫套餐关系, 仲可以以$6一只嘅价钱叫生虾(六只起)，我地叫左12只!
冬荫功 – 有个酒精火热住，辣度刚好，因为佢热住嘅关系，饮到最尾𠮶啲辣劲都仲响度，哩个细微位做得唔错。
泰角木瓜沙律（小辣）- 一黎到望落去好红，仲以为会好辣，望真啲其实系红色虾米仔黎，少少辣，但系木瓜好清爽醒胃。
飞天炒通菜 – 有少少甜味, 同埋唔系好够镬气咁样。
小食拼盘 – 有鸡串、春卷及咖喱角，老实讲后两者都系啲普通嘢，叫货都有得叫，至于鸡肉串肉地都算嫩嘅，加埋个串烧汁都几惹味。
海南鸡 – 味道唔错，系一般海南鸡嘅味道，不过有啲部分系偏 “鞋”。
生虾沙律 – 颇爽口，口感几新鲜，一次过食12只好满足。
黄姜饭 (无影相)– 几好㖞唔会太油。
虽然大部分嘅食物嘅味道都系无咩惊喜，不过起码系预期嘅受港人欢迎嘅泰国美食嘅味道，所以总括而言印象唔错，最惊喜嘅其实系分量，话就话系二人餐，两个一样咁大食嘅人就咁望都仲惊佢唔够，点知食到最后系饱到捧住个肚出门口，以质量而言佢 CP值都几高。
张贴
