小河內

营业中

休息中

约咗朋友系新界一日游，行到攰就系粉岭附近揾间餐厅食下嘢。见到小河内环境都干净企理，咁就入去试下，估唔到食物质素都好好，而且价廉物美，所以谂唔到食咩都可以拣呢间餐厅试下😁餐厅卫生同舒适度都几好，枱面清洁，唔会油淋淋。见到都有员工做清洁，餐厅整体整洁企理。而且，座位唔会好迫，都算几阔，坐得舒服。我哋系下午茶时段嚟，系餐厅食完嘢再坐多咗阵、倾阵偈都无员工嚟赶人走。而且，服务几好，员工都好有礼貌。我哋几个人点咗春卷捞檬、猪颈肉捞檬、火车头汤河同咖哩猪扒饭。总体嚟讲，食物质素唔错，价钱都唔贵，性价比高。首先讲下春卷捞蒙同猪颈肉捞檬，檬粉爽口，个粉捞埋甜酸汁，酸酸甜甜好开胃。但估唔到系个越式炸春卷系咁好食，春卷皮脆卜卜，而且唔会好油，个馅有少少木耳，口感有层次，重点推介。而猪颈肉都系爽弹口感，算唔错。食亲越南嘢就一定要点火车头汤河！最怕就系个汤底好多味精，食完就会好口喝。但今次呢个个汤应该无咩味精，食完唔会要系咁饮水，同汤底都有阵阵牛味。而今次推介系佢嘅牛丸，牛味浓郁，而且弹牙，口感唔错。整体而言，呢个火车头汤河都系推荐。而朋友就钟意食饭，所以点咗个咖哩猪扒饭，个咖哩都几香，少少辣，而猪扒都松软。